इजरायलले ६०० भन्दा बढी प्यालेस्टिनी कैदीहरूको रिहाइ अनिश्चितकालसम्म स्थगित गरेको छ।

 इजरायल र हमासबीच गाजामा भएको युद्धविराम अन्तर्गत हमासले शनिबार छ जना बन्धकलाई रिहा गरेको बेला इजरायलले भने जवाफी रिहाइमा ढिलाइ गरेको हो ।

इजरायली प्रधानमन्त्री बेन्जामिन नेतान्याहूले हमासले थप इजरायली बन्धकहरूलाई हस्तान्तरण गर्ने ग्यारेन्टी नगरेसम्म प्यालेस्टिनी कैदीहरूको रिहाइ अब ढिलाइ हुने बताए ।

युद्धविरामको पहिलो चरणमा इजरायली बन्धकहरूको रिहाइको एक चरण अझै बाँकी छ।

नेतान्याहूले हमासले युद्धविराम नियमहरू बारम्बार उल्लङ्घन गरेको आरोप लगाएका छन्। 
इजरायल र हमासबीचको सम्झौता तीन चरणमा कार्यान्वयन हुनेछ।

पहिलो चरणमा, इजरायली जेलमा रहेका प्यालेस्टिनी कैदीहरूको बदलामा हमासद्वारा बन्धक बनाइएकाहरूलाई रिहा गरिनेछ।

यसपछि, इजरायली सेना बिस्तारै गाजाबाट फिर्ता हुनेछ भने त्यसपछि अन्तिम चरणमा गाजाको पुनर्निर्माणको काम गरिनेछ।
इजरायलको यो कदमलाई युद्धविराम प्रक्रियामा ठूलो धक्काको रूपमा हेरिएको छ।