२१ असार २०८३, आइतबार
चिलीमा विद्युत् आपूर्ति बन्द भएपछि देशको ठूलो भागलाई असर गरेको छ । बिजुली कटौतीबाट ८० लाख घर प्रभावित भएका छन् ।
देशव्यापी विद्युत कटौतीपछि प्रभावित क्षेत्रमा कर्फ्यू लगाइएको बीबीसीले जनाएको छ । कर्फ्युसँगै त्यहाँ सैनिकहरू पनि तैनाथ गरिएको समाचारमा उल्लेख छ ।
देशका अस्पताल र कारागारमा जेनेरेटरबाट विद्युत् आपूर्ति भइरहेको छ । यातायात व्यवस्था नराम्ररी प्रभावित भएको छ ।
सरकारले यसका लागि प्रणालीको कमजोरीलाई दोष दिएको छ । विद्युत् आपूर्ति बन्द हुनुको कारण अझै पत्ता लागेको छैन ।
बिजुली आपूर्ति बन्द भएपछि विश्वको सबैभन्दा ठूलो तामा उत्पादक देशमा खानीको काम पनि रोकिएको छ ।
