नेपाली कांग्रेसको विज्ञान तथा सूचना प्रविधि विभागमा १० जना सदस्य मनोनीत भएका छन् ।

कांग्रेस सभापति शेरबहादुर देउवाले नेपाली कांग्रेसको विधान, २०१७ (संशोधनसहित)को धारा २५ (९) बमोजिम पार्टीका केन्द्रीय सदस्य सुशीला मिश्र भट्ट प्रमुख रहेको उक्त विभागमा उनीहरूलाई मनोनीत गरेका हुन् । 

मनोनीत हुनेहरूमा ई. उज्ज्वल कोइराला- ताप्लेजुङ, ई. प्रेमचन्द्र राय- महोत्तरी, विजया श्रेष्ठ (केसी)- ललितपुर, प्रा. मोहनजंग शाह- बाँके र डा. निरञ्जन कोइराला- कास्की रहेका छन् ।

यस्तै, कुमार लामिछाने- बर्दिया, रमा केसी- सुर्खेत, प्रेमलाल चौधरी- कैलाली, शेरबहादुर सार्की- बाजुरा र दिलीप कार्की- कञ्चनपुर रहेका पार्टीका मुख्य सचिव कृष्णप्रसाद पौडेलले जानकारी दिए ।