२१ असार २०८३, आइतबार
प्रमुख प्रतिपक्षी दल नेकपा माओवादी केन्द्रलगायत विपक्षी दलको विरोधपछि प्रतिनिधिसभा बैठक ३० मिनेटका लागि स्थगित भएको छ ।
नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गर्ने निर्णय सम्बन्धमा सरकारको जवाफ माग गर्दै विपक्षी दलले संसद् अवरुद्ध गरेका हुन् ।
बुधबार बसेको प्रतिनिधिसभा बैठकको शुरूमै सभामुखसँग समय लिएर माओवादीका सांसद शक्ति बस्नेतले कुलमानलाई हटाउने सरकारको निर्णय आपत्तिपूर्ण भएको बताए ।
बस्नेत बोलेपछि विपक्षी सांसद उभिएर विरोध जनाएका थिए ।
त्यसपछि सभामुख देवराज घिमिरेले प्रतिनिधिसभाको बैठक आधा घण्टाका लागि स्थगित गरेका छन् ।
सरकारले सोमबार कुलमानलाई विद्युत् प्राधिकरणबाट हटाएर हितेन्द्रदेव शाक्यलाई कार्यकारी निर्देशक नियुक्त गरेको थियो ।
