३० असार २०८३, मंगलबार
साताको अन्तिम कारोबारका दिन बिहीबार नेपाल स्टक एक्सचेन्ज (नेप्से) दोहोरो अंकले बढेको छ । बिहीबार नेप्से परिसूचक ४१.४३ अंकले बढेर २६६३.३० को विन्दुमा कायम भएको हो ।
यस दिन ८७ लाख ७२ हजार १९६ कित्ता सेयरको खरिदबिक्री हुँदा ५ अर्ब २२ करोड ३० लाख ८३ हजार रूपैयाँको कारोबार भएको छ ।
अघिल्लो दिन बुधबार परिसूचक ४०.४७ अंकले बढेर २६२३.२१ को विन्दुमा कायम भएको थियो । आज उपसमूहतर्फ रहेका १३ वटै समूहको सेयर मूल्य वृद्धि भएको छ ।
त्यस्तै, गुराँस लघुवित्त वित्तीय संस्थाका लगानीकर्ताहरूले सर्वाधिक नाफा कमाएका छन् । आज यस लघुवित्तको सेयर मूल्य सर्वाधिक १० प्रतिशतले बढेको छ ।
कारोबारका आधारमा हिमालयन रिइन्स्योरेन्स ५१ करोड १८ लाख १७ हजार रूपैयाँको कारोबारसहित शीर्ष स्थानमा रहेको छ ।
बिहीबार बजार पुँजीकरण ४२ खर्ब ४ अर्ब रूपैयाँ बढीको रहेको छ ।
कस्तो रह्यो साताको कारोबार ?
निरन्तरको गिरावटसँगै साताको पहिलो कारोबारका दिन नेप्से ५४.६२ अंकले घटेर २६१४.६८ को विन्दुमा कायम भएको थियो ।
साताको दोस्रो कारोबारका दिन सोमबार परिसूचक २६.१० अंकले बढेर २६४०.७८ को विन्दुमा बन्द भयो ।
त्यस्तै, साताको तेस्रो कारोबारका दिन मंगलबार ५८.०५ अंकले घटेको नेप्से २५८२.७३ को विन्दुमा बन्द भयो ।
बुधबार ३९.१३ अंकले बढेको सेयर बजारमा बिहीबार ४१.४३ अंकले वृद्धि भएको छ ।
