०४ असार २०८३, बिहीबार
हुण्डीमार्फत् अवैध रूपमा रकम कारोबार गरेको आरोपमा एक युवती काठमाडौंको न्युरोड क्षेत्रबाट पक्राउ परेकी छन्।
पक्राउ पर्नेमा गोरखाको पालुङटार नगरपालिका–१० वागडाँडाकी १९ वर्षीया करिना देवकोटा रहेकी छन् ।
काठमाडौं महानगरपालिका–२२ स्थित न्युरोड इलाकामा हुण्डी कारोबार भइरहेको सूचनापछि प्रहरी वृत्त जनसेवाबाट खटिएको टोलीले उनलाई पक्राउ गरेको जनसेवाका प्रमुख, डीएसपी कृष्ण चन्दले जानकारी दिए ।
पक्राउ परेकी देवकोटाको साथबाट प्रहरीले नगद ९ लाख रूपैयाँ, ६ लाख रूपैयाँको चेक एक थान र एक थान मोबाइल बरामद गरेको छ । उनी शंकास्पद गतिविधिमा संलग्न देखिएपछि खानतलासी गर्दा उक्त रकम फेला परेको डीएसपी चन्दले बताए ।
पक्राउ परेकी देवकोटामाथि काठमाडौं जिल्ला अदालतबाट पाँच दिनको म्याद थप अनुमति लिई अनुसन्धान भइरहेको छ।
