नेपाल प्रहरीका ६१ जना वरिष्ठ प्रहरी नायब निरीक्षकहरू प्रहरी निरीक्षक (इन्सपेक्टर) पदमा बढुवाका लागि सिफारिस भएका छन्  । 

आइतबार बसेको बढुवा समितिको बैठकले प्रहरी वरिष्ठ सईहरूलाई इन्सपेक्टर बढुवाका लागि सिफारिस गर्ने निर्णय गरेको प्रहरी प्रधान कार्यालयले जनाएको छ ।

बढुवा सिफारिसको पहिलो नम्बरमा सुदिप थापा रहेका छन् । यसैगरी, दोस्रोमा रबी घिमिरे, तेस्रोमा फणिन्द्र क्षेत्री, चौथोमा कृष्णराज सेढाईं र पाँचौमा हस्तबहादुर तामाङ छन् ।

उनीहरूलाई एक हप्तामा दर्ज्यानी चिह्न प्रदान गरेर पदस्थापन गरिनेछ ।