रुपन्देहीको विभिन्न ठाउँबाट चैत्र ४ गते सशस्त्र प्रहरी बल नेपाल सुरक्षा वेश बुटवलले करिब १४ लाख ४ हजार ७ सय ६५ रुपैयाँ बराबरको विभिन्न किसिमका सामानसहित दुई वटा गाडी नियन्त्रणमा लिएको छ ।

सोही जिल्लाको बुटवल उपमहानगरपालिका–६ ट्राफिक चोकस्थित सिद्धार्थ राजमार्गबाट करिब ७ लाख ६४ हजार ५ सय ३५ रुपैयाँ बराबरको चिउरा तथा लत्ताकपडा बरामद गरेको हो ।

बुटवलबाट पोखरातर्फ जाँदै गरेको लु १ ज ३७९६ नम्बरको बोलेरो पिकअप गाडीमा राखी लैजाँदै गरेको ६१ बोरा चिउरा र लत्ताकपडासहित उक्त गाडी नियन्त्रणमा लिइएको हो ।  

यसैगरी सोही उपमहानगरपालिका–१३ जितगढी स्थित पूर्वपश्चिम लोकमार्गबाट करिब ६ लाख ४० हजार २ सय ३० रुपैयाँ बराबरको सामानसहित गाडी नियन्त्रणमा लिइएको हो ।

पश्चिमबाट पूर्वतर्फ आउँदै गरेको लु १ च ५६२० नम्बरको गाडीमा राखी ल्याउँदै गरेको लत्ताकपडा तथा जुत्ता चप्पलसहित उक्त गाडी नियन्त्रणमा लिइएको हो ।

बरामद सामान तथा दुई वटै गाडी आवश्यक कारबाहीको लागि भैरहवा भन्सार कार्यालय बेलहियामा बुझाइएको छ । बरामद सामानको मूल्य १४ लाख ४ हजार ७ सय ६५ रुपैयाँ र दुई वटै गाडीको मूल्य २२ लाख गरी जम्मा भन्सार दाखिला मूल्य ३६ लाख ४ हजार ७ सय ६५ रुपैयाँ कायम गरी भन्सार कार्यालयमा बुझाइएको सशस्त्र प्रहरीले जनाएको छ ।