चैत १५ गते काठमाडौंको तीनकुने क्षेत्रमा भएको हिंसात्मक प्रदर्शनका थप एक आरोपी पक्राउ परेका छन् ।

पक्राउ पर्नेमा काभ्रेपलाञ्चोकको धुलिखेल नगरपालिका-३ बस्ने ४० वर्षीय मनोज भन्ने मिनोज थापा रहेका छन् । 

उनलाई काठमाडौं उपत्यका अपराध अनुसन्धान कार्यालयबाट खटिएको प्रहरीले भक्तपुरको चाँगुनारायण नगरपालिका-१३ साँगाबाट बुधबार पक्राउ गरेको हो ।

राज्यविरुद्ध र संगठित अपराध एवं आपराधिक उपद्रव सम्बन्धी कसुर मुद्दामा फरार रहेका थापालाई पक्राउ गरिएको अपराध अनुसन्धान कार्यालयका एसपी अंगुर जिसीले जानकारी दिए ।

पक्राउ परेका थापालाई थप अनुसन्धान तथा कानूनी कारबाहीका लागि जिल्ला प्रहरी परिसर, भद्रकाली काठमाडौं पठाइएको एसपी जिसीले बताए ।