भक्तपुरमा ​जुवातास खेलिरहेको अवस्थामा १० जना पक्राउ परेका छन् ।

भक्तपुर नगरपालिका- ९ च्यामासिंह डेरा गरी बस्ने चाँगुनारायण नगरपालिका- ५ छालिङका ४८ वर्षीय भरत गिरीको कोठामा जुवातास खेलिरहेको अवस्थामा भरतससहित १० जना पक्राउ परेका हुन् ।

उनीहरूलाई शुक्रबार दिउँसो पक्राउ गरिएको प्रहरीले जनाएको छ । 

प्रहरी वृत्त जगातीबाट खटिएको प्रहरीले उनीहरूको साथबाट १ लाख ५३ हजार ८ सय ५० रुपैयाँ र ३ बुक तास पनि बरामद गरेको छ ।

थप अनुसन्धान भइरहेको प्रहरीले जनाएको छ ।