२८ जेठ २०८३, बिहीबार
सर्वोच्च अदालतले अर्थविद विश्व पौडेललाई गभर्नर बनाउन नहुने माग गर्दै पेश भएको रिट दर्ता गर्न अस्वीकार गरेको छ ।
अधिवक्ता विशाल थापासहितले दायर गरेको रिट सर्वोच्च अदालत प्रशासनले दरपीठ गरिदिएको हो ।
सर्वोच्च अदालतका सूचना अधिकारी निराजन पाण्डेका अनुसार रजिस्ट्रार भद्रकाली पोखरेलले उक्त रिट निवेदन दरपीठ गरेका हुन् ।
सिफारिश समितिले सिफारिश नै नगरेको हुनाले रिट दरपीठ गरिएको पाण्डेले बताए ।
नेपाल राष्ट्र बैंक ऐनको प्रावधानविपरीत राजनीतिक दलको सदस्यलाई नियुक्त गर्न लागेको भन्दै रिट निवेदन पेश भएको थियो ।
