काठमाडौंको नागार्जुन नगरपालिकाका निलम्बित मेयर मोहनबहादुर बस्नेत सम्पत्ति शुद्धीकरण मुद्दामा दोषी ठहर भएका छन् ।

विशेष अदालतका अध्यक्ष टेकनारायण कुँवर र सदस्य रामबहादुर थापाको इजलासले शुक्रबार बस्नेतलाई सम्पत्ति शुद्धीकरण मुद्दामा दोषी ठहर गरेको हो । 

उक्त मुद्दामा सजाय निर्धारणका लागि यही असार १६ गते पेशी तोकिएको छ। 

अख्तियार दुरुपयोग अनुसन्धान आयोगले गत पुस १५ गते सम्पत्ति शुद्धीकरणको मुद्दा दायर गरेको थियो।​ 

गैरकानूनी रूपमा आर्जन गरिएको सम्पत्तिबाट बस्नेतले श्रीमती उर्मिला बस्नेतका नाममा घरजग्गा खरिद गरिएको दाबी गर्दै आयोगले उनलाई पनि प्रतिवादी बनाएको थियो । तर विशेषले उर्मिलालाई भने सफाइ दिएको छ ।​

यो पनि पढ्नुहोस् 

नागार्जुनका मेयर बस्नेतविरुद्ध ८ करोड ७० लाख गैरकानूनी सम्पत्ति आर्जनको भ्रष्टाचार मुद्दा दायर

नागार्जुनका मेयरविरुद्ध १३ करोडको सम्पत्ति शुद्धीकरण र ९ करोडको भ्रष्टाचार मुद्दा दायर