२९ असार २०८३, सोमबार
पर्सामा ट्रयाक्टर दुर्घटना हुँदा २ जनाको मृत्यु भएको छ भने १ जना घाइते भएका छन् ।
वीरगन्ज महानगर–२८ बगहीबाट इनर्वातर्फ जाँदै गरेको ना ५ त ९९४१ नम्बरको ट्रयाक्टर आज दिउँसो १ः३० बजे भेडाहा खोलामा पल्टिँदा दुई जनाको मृत्यु भएको जिल्ला ट्राफिक प्रहरी कार्यालय पर्साका प्रमुख लोकराज भट्टले जानकारी दिए ।
मृत्यु हुनेमा वीरगन्ज महानगर–२८ बगहीका शिवु पटेल (राउत) र सोही ठाउँका आकाश पटेल (राउत) रहेका छन् ।
सोही समयमा सवार सोही ठाउँका जयकुमार पटेल भने घाइते भएका छन् ।
दुवै जनाको शव परीक्षणका लागि नारायणी अस्पताल वीरगन्जमा ल्याइएको छ ।
