भलिबल, उसु र कबड्डीका विभिन्न अन्तर्राष्ट्रिय प्रतियोगितामा विजयी खेलाडीलाई बालुवाटारमा नगदसहित सम्मान गरिएको छ ।

प्रधानमन्त्रीको सरकारी निवास बालुवाटारमा प्रधानमन्त्री केपी शर्मा ओलीले विभिन्न अन्तर्राष्ट्रिय प्रतियोगितामा पदक प्राप्त खेलाडी, प्रशिक्षक र व्यवस्थापकलाई सम्मान र पुरस्कार प्रदान गरेका हुन् ।

गत असोज २० देखि २६ गतेसम्म श्रीलंका भलिबल संघको आयोजनामा श्रीलंकामा भएको काभा यू–२० पुरुष भलिबल च्याम्पियनसिपमा रजत पदक विजेता खेलाडीलाई प्रधानमन्त्री ओलीले जनही तीन लाख रूपैयाँ नगदसहित सम्मान गरे ।

यसैगरी, कात्तिक ७ देखि १२ गतेसम्म जापान उसु ताइजी महासंघको आयोजनामा जापानमा भएको तेस्रो थाउलो वर्ल्ड कपमा कास्य पदक विजेता विजय सिँजालीलाई नगद ६५ लाख पुरस्कार प्रदान गरिएको छ । 

यस्तै, गत फागुन २० देखि २५ गतेसम्म इरानमा भएको छैटौँ एसियन महिला कबड्डी च्याम्पियनसिपमा कास्य पदक विजेता खेलाडीलाई पनि जनही एक लाख ५० हजार रूपैयाँसहित सम्मान गरिएको प्रधानमन्त्रीको सचिवालयले जनाएको छ । 
 
सबै खेलाडीलाई राष्ट्रिय खेलकुद विकास नियमावली, २०७९ को व्यवस्था बमोजिम असार ९ गतेको मन्त्रिपरिषद्को बैठकको निर्णयबाट सम्मान तथा नगद पुरस्कार दिइएको हो ।

साथै, प्रधानमन्त्री ओलीले यही असार ८ देखि २१ गतेसम्म मलेसियामा भएको एसीसी यू–१६ इस्ट जोन कप क्रिकेट प्रतियोगितामा सिङ्गापुरलाई हराएर उपाधि जित्न सफल नेपाली टोलीलाई बधाई तथा स्वागत गरे । 

क-कसले पाए पुरस्कार र सम्मान ?

काभा यू–२० पुरुष भलिबल प्रतियोगिता :

क्र.सं. नामथर पद प्राप्त पदक पुरस्कार रकम रू.
१ अर्जुन नेपाली खेलाडी रजत ३,००,०००/-
२ पहल गहतराज खेलाडी रजत ३,००,०००/-
३ अशोक राना खेलाडी रजत ३,००,०००/-
४ शैलेन्द्र यादव खेलाडी रजत ३,००,०००/-
५ सुर्य वि.क. खेलाडी रजत ३,००,०००/-
६ जित बहादुर सार्की खेलाडी रजत ३,००,०००/-
७ सुरेश मल्ल खेलाडी रजत ३,००,०००/-
८ विश् वास अधिकारी खेलाडी रजत ३,००,०००/-
९ लेसमन राहादी खेलाडी रजत ३,००,०००/-
१० सागर रसौली खेलाडी रजत ३,००,०००/-
११ सुजन सुनार खेलाडी रजत ३,००,०००/-
१२ दिपेश कुंवर खेलाडी रजत ३,००,०००/-
१३ रमेश के.सी. मुख्य प्रशिक्षक रजत २,००,०००/-
१४ लाल बहादुर बटाला सहायक प्रशिक्षक रजत १,२०,०००/-
१५ गणेश सिंह ठगुन्ना व्यवस्थापक रजत १,२०,०००/-

छैटौँ एसियन महिला कबड्डी च्याम्पियनसिप :
क्र.सं. नामथर पद प्राप्त पदक पुरस्कार रकम रु.
१ मानमति विष्ट खेलाडी कास्य १,५०,०००/-
२ जयन्ती वडु खेलाडी कास्य १,५०,०००/-
३ गंगा घिमिरे खेलाडी कास्य १,५०,०००/-
४ रविना चौधरी खेलाडी कास्य १,५०,०००/-
५ सृजना कुमारी थारु खेलाडी कास्य १,५०,०००/-
६ आस्मा यादव खेलाडी कास्य १,५०,०००/-
७ मनिषा जोशी खेलाडी कास्य १,५०,०००/-
८ निशा खत्री खेलाडी कास्य १,५०,०००/-
९ निशा बोहरा खेलाडी कास्य १,५०,०००/-
१० विनिता पण्डित क्षेत्री खेलाडी कास्य १,५०,०००/-
११ हरिना थापा टिम प्रशिक्षक कास्य ९०,०००/-