२८ जेठ २०८३, बिहीबार
भारतीय क्रिकेट टोलीका तीव्रगतिका प्रभावशाली बलर मोहम्मद सामीकी पत्नी हसिन जहाँमाथि हत्याको प्रयास गरेको आरोप लागेको छ । हसिन जहाँविरुद्ध हत्या प्रयासको आरोपसहित प्रहरीमा उजुरी पनि दर्ता भएको छ ।
मोहम्मद सामीका छिमेकीले नै हसिन जहाँविरुद्ध जाहेरी दर्ता गराएका समाचारमा जनाइएको छ । हसिन जहाँ र उनकी छोरी अर्शी जहाँको जग्गाको विषयलाई लिएर छिमेकीसँग झगडा भएको बताइएको छ ।
हसिन जहाँले जग्गा मिचेको आरोप छिमेकीहरूले लगाएका छन् ।
सोही विषयलाई लिएर विवाद बढेपछि हसिन जहाँ र उनकी छोरीले ज्यान मार्ने प्रयास गरेको आरोप छिमेकीहरूले लगाएका हुन् । सामाजिक सञ्जालमा झगडाको भिडियो पनि भाइरल भइरहेको छ ।
छिमेकी दालिया खातुनले हसिन जहाँ र उनकी छोरीविरुद्ध हत्याको प्रयास गरेको दाबीसहित उजुरी दर्ता गराएकी हुन् ।
