१३ असार २०८३, शनिबार
कर्तव्य ज्यान मुद्दामा फरार एक व्यक्ति २१ वर्षपछि पक्राउ परेका छन् ।
संखुवासभाको चैनपुर नगरपालिका-९ बस्ने ६२ वर्षीय शम्सेरबहादुर तामाङलाई सोमबार प्रहरीले पक्राउ गरेको हो ।
भोजपुर घर भएका ३६ वर्षीय पर्शुराम विकको २०६१ चैत २२ गते हत्या भएको घटनामा तत्कालीन पुनरावेदन अदालत धनकुटाले तामाङलाई दोषी ठहर गरेको थियो ।
अदालतले २०६९ असार १७ गतेको फैसलामा उनलाई २ वर्ष कैद सजाय सुनाएको थियो । उनी घटनापछि फरार थिए । उनलाई इलाका प्रहरी कार्यालय चैनपुरबाट खटिएको प्रहरीले चैनपुर नगरपालिका-९ बाट पक्राउ गरेको हो ।
उनलाई फैसला कार्यान्वयनका लागि जिल्ला अदालत संखुवासभा पेस गरिएकोमा अदालतको आदेशले कैद भुक्तानका लागि कारागार कार्यालय खाँदबारी पठाइएको प्रहरीले जनाएको छ ।
