०७ असार २०८३, आइतबार
सशस्त्र प्रहरीले काठमाडौं महानगरपालिका-३१ बानेश्वरस्थित बासुकी मार्गबाट लागूऔषध ब्राउन सुगरसहित दुई जनालाई पक्राउ गरेको छ ।
सशस्त्र प्रहरी बल नेपाल इन्टेलिजेन्स ब्यूरोले सोमबार साँझ धनकुटाको पाख्रीबास नगरपालिक-५ बस्ने ३१ वर्षीय डिल्लीबहादुर कटुवाल र झापाको भद्रपुर नगरपालिका-२ बस्ने ३० वर्षीय शैलेश थापा मगरलाई पक्राउ गरेको हो ।
उनीहरूको साथबाट लागुऔषध ब्राउन सुगर अन्दाजी ३०.१५ ग्राम, गाँजा तीन पोका, ब्राउन सुगर जोख्न प्रयोग भएको तराजु १ थान, मोबाइल ३ थान तथा मोटरसाइकल बरामद गरेको छ ।
बासुकी मार्गको एक घरबाट उल्लेखित लागूपदार्थ बिक् रीवितरण गर्दै गरेको अवस्थामा उनीहरूलाई नियन्त्रणमा लिइएको सशस्त्र प्रहरीका सहप्रवक्ता, डीएसपी शैलेन्द्र थापाले जानकारी दिए ।
उनीहरूले उक्त लागूपदार्थ सिरहाको गोलबजारबाट ल्याइ बिक्री गर्ने गरेको बुझिएको छ । नियन्त्रणमा लिइएकाहरूलाई बरामद सामानसहित थप कारबाहीका लागि प्रहरीलाई बुझाउने प्रक्रियामा रहेको सशस्त्रका डीएसपी थापाले बताए ।
