११ साउन २०८३, सोमबार
भारतीय क्रिकेट कन्ट्रोल बोर्ड (बीसीसीआई)को कार्यवाहक अध्यक्षको जिम्मेवारी राजीव शुक्लाले पाएका छन् । बीसीसीआईको अध्यक्ष रोजर बिन्नीको अवकाशपछि उक्त जिम्मेवारी शुक्लालाई दिइएको समाचारमा जनाइएको छ ।
भारतका पूर्वक्रिकेटर बिन्नी सन् २०२२ देखि बीसीसीआईको अध्यक्ष पदमा रहँदै आएका थिए ।
अब नयाँ अध्यक्षको चयन नभएसम्म शुक्लाले यो जिम्मेवारी समाल्ने छन् । पूर्वपत्रकार तथा राज्यसभा सदस्य शुक्ला बीसीसीआईका उपाध्यक्ष हुन् ।
बीसीसीआईको अध्यक्ष पदको निर्वाचन सेप्टेम्बरमा हुने सम्भावना छ । भर्खरै अवकाश पाएका रोजर बिन्नी भारतलाई सन् १९८३ मा आईसीसी एकदिवसीय विश्वकपको उपाधि चुमाउने टोलीका महत्त्वपूर्ण सदस्य हुन् ।
उक्त विश्वकपमा बिन्नीले सबैभन्दा बढी १८ विकेट लिएका थिए ।
उमेर ७० वर्ष पुगेकाले उनले बीसीसीआई अध्यक्ष पदबाट अवकाश पाएका हुन् । ७० वर्ष पुगेको व्यक्ति बीसीसीआईको कुनै पनि पदमा बस्न नपाउने नियम छ ।
