०८ असार २०८३, सोमबार
विभिन्न कारागारबाट फरार भएका ३०३ जना कैदीबन्दी पक्राउ परेका छन् ।
नेपाली सेनालगायत अन्य सुरक्षा निकाय परिचालन भएपछि बुधबार दिउँसो १ बजेदेखि ५ बजेसम्मको अवधिमा सुनसरीमा २०२, सप्तरीमा ४, रुकुम पश्चिममा ४३, कपिलवस्तुमा ५० र म्याग्दीमा ४ जनालाई पक्राउ गरिएको हो ।
नेपाली सेनाले महाराजगञ्ज क्षेत्रबाट लुटपाटमा संलग्न अन्य ४ जनालाई पक्राउ गरी सात नाल हतियार, म्यागजिन, राउन्ड, ब्युनेटसहितका एसेसरिज तथा व्यक्तिगत सामग्री बरामद गरेको छ ।
विशेष सूचनाका आधारमा बालाजु माछापोखरी क्षेत्रबाट थप एक नाल हतियार बरामद गरिएको छ। यससँगै हालसम्म ७३ नाल हतियार बरामद भएको सेनाले जनाएको छ।
काभ्रेको धुलिखेल जिल्ला कारागारमा कैदीबन्दी र प्रहरीबीच झडप भएपनि स्थिति नियन्त्रणमा आएको जनाइएको छ ।
त्यस्तै, डिल्लीबजार कारागारमा लागेको आगो नेपाली सेना तथा अन्य निकायको संयुक्त प्रयासमा नियन्त्रणमा आएको छ ।
