२० असार २०८३, शनिबार
काठमाडौं, १ पुस—पहिलो पटक आयोजना गरिएको टी— ट्वान्टी अन्तराष्ट्रिय ह्विलचियर प्रतियोगिताको उपाधि आयोजक नेपालले जितेको छ । कीर्तिपूरमा भएको प्रतियोगितामा बंगलादेशलाई ५४ रनले हराउदै नेपाल विजयी भएको हो ।
टस हारेर ब्याटिङको निम्तो पाएको नेपालले २० ओभरमा ३ विकेट गुमाउदै १ सय ६० रन बनाएको थियो । नेपालका लागि दिगम चेम्जोङ लिम्बुले ७९ रन बनाए भने नविन राईले ५९ रन बनाए ।
जवाफमा बंगलादेश १८ ओभर दुई बलमा एक सय ६ रनमा अलआउट भयो । बंगलादेशका लागि मोर्सेद आलमले २० तथा उज्जल बैरागीले १७ रन बनाउदा बाकि खेलाडी सस्तैमा समेटिए ।
नेपालमा पहिलो पटक आयोजना भएको प्रतियोगितामा भारतको पनि सहभागिता रहेको थियो ।
