०२ असार २०८३, मंगलबार
रुपन्देही, २१ पुस– रुपन्देहीको देवदह नगरपालिका खैरहनीमा अज्ञात समुहको गोली लागेर एक जनाको मृत्यु भएको छ ।
स्थानीय ३८ वर्षीया वलु पौडेलको गोली लागेर मृत्यु भएको रुपन्देहीका प्रहरी नायव उपरीक्षक पवन कुमार भट्टराईले जानकारी दिए ।
मीलमा काम गरिरहेको अवस्थामा उनीमाथि गोली प्रहार भएको रुपन्देही प्रहरीले जनाएको छ । उनको टाउँकोमा गोली लागेको थियो ।
उपचारको लागि अञ्चल अस्पताल बुटवल लगिएपनि उनको मृत्यु भइसकेको थियो ।
उनी एमालेका कार्यकर्ता हुन् ।
उनीमाथि अाफूहरूले गोली चलाएको मनोज पुनको समुहले जिम्मेवारी लिएको छ । स्थानीय एक पत्रकारलार्इ फोन गर्दै पुनको समुहले हत्याको जिम्मेवारी लिएपनि प्रहरीले भने पुष्टि गरेको छैन । मनोज पुनले अाफ्ना साथीभाइलार्इ अनावश्यक रूपमा दुख दिएका कारण उनीमाथी गोली चलाएको बताएको छ । युवा संघका नेता दुर्गा तिवारीमाथि गोली चलाउनु पू्र्व नै अाफूहरूको निशानामा बलु रहेकाे फोनमा मनोज पुनको समुहले बताएको छ ।
