१० साउन २०८३, आइतबार
काठमाडौं २३ पुस– मौसमका कारण चितवनको भरतपुर विमानस्थलबाट विमान नउडेपछि माओवादी केन्द्रका अध्यक्ष पुष्पकमल दाहाल प्रचण्ड सडक मार्गहुँदै काठमाडौं फर्केका छन् । भरतपुर महानगरपालिकाको नगरसभा उद्घाटनका लागि प्रचण्ड बिहीवार भरतपुर गएका प्रचण्ड आइतवार पृथ्वी राजमार्ग हुँदै काठमाडौं फर्केका हुन् ।
प्रचण्ड शनिवार नै काठमाडौं फर्किने तयारी भएपनि विमान नउडेका कारण कार्यक्रम स्थगित भएको थियो । प्रचण्ड काठमाडौं फर्किएपछि नेकपा एमालेका अध्यक्ष केपी शर्मा ओलीसँग भेटवार्ता हुने सम्भावना रहेको माओवादी स्रोतले जनायो ।
अध्यक्ष ओली स्वास्थ्य जाँचका लागि बुधवार थाइल्याण्ड जाने भएकोले त्यस अगावै पार्टी एकता संयोजन समितिको बैठक बस्ने तयारी भएको माओवादी नेता नारायणकाजी श्रेष्ठले बताएका थिए ।
सन्दर्भ तस्वीर : गेट्टी इमेज
