२१ जेठ २०८३, बिहीबार
काठमाडौं, १८ माघ– राजधानीका विभिन्न अस्पतालको तथ्यांक हेर्दा पछिल्लो समयमा महिलामाभन्दा पुरुष मानसिक रोगीको संख्या बढी देखिएको छ । चिकित्सा विज्ञानले मानसिक रोगलाई दुई भागमा विभाजन गरेको छ , कम कडा र कडा ।
पुरुषहरुको हकमा कडाखालका मानसिक रोग देखिने गरेको विशेषज्ञहरु बताउँछन् । महाराजगन्जस्थित त्रिवि शिक्षण अस्पतालमा दैनिक ८० देखि एकसय मानसिक बिरामी आउँछन् ।
जसमा १५ देखि २० जनामा कडाखाले बिरामी देखा परेको अस्पतालको मानसिक स्वास्थ्य विभाग प्रमुख डा. सरोजप्रसाद ओझाले बताए । अस्पतालको तथ्यांकअनुसार कडाखाले मानसिक रोग २० देखि ३० वर्ष उमेरका पुरुषमा बढी देखिएको छ, कान्तिपुरमा खबर छ ।
