काठमाडौं, २९ माघ– नेकपा माओवादी केन्द्रले प्रतिनिधिसभातर्फ निर्वाचित समानुपातिक सदस्यको नामावली निर्वाचन आयोगमा सोमबार बुझाउने भएको छ । माओवादी केन्द्रका प्रवक्ता पम्फा भुसालले समानुपातिक उम्मेदवार सूचीबाट १७ जनाको नाम सोमबार बुझाउने जानकार िदिनुभयो ।

उहाँले भन्नुभयो, ‘प्रतिनिधिसभातर्फ निर्वाचित समानुपातिक सदस्यको नामावली लगभग टुंगो लागि सकेको छ , पार्टी अध्यक्ष प्रचण्ड चितवनबाट फर्केपछि आयोगमा बुझाउँछौं।’ माओवादीले १ जना पुरुष र १६ जना महिला सदस्यको सूची आयोगमा बुझाउनुपर्ने हुन्छ, गोरखापत्रमा खबर छ ।