०३ साउन २०८३, आइतबार
काठमाडौं – पेप ग्वार्डियोलाको प्रशिक्षण रहेको म्यानचेस्टर सिटीले यो सीजन पनि जित्न सक्ने खेलाडी डेभिड भिल्लाले बताएका छन् । यसो भयो भने सन् २००९ पछि लगातार दुई सीजन जित्ने पहिलो क्लब सिटी हुनेछ ।
नौ वर्षअघि म्यानचेस्टर युनाइटेडले यो उपलब्धि हासिल गरेदेखि कुनै पनि टोली यसमा सफल भएका छैनन् ।
युनाइटेड पजि अघिल्लो सिजनको दाबेदार थियो तर उसले पनि सिटीलाई उपाधि जित्नबाट रोक्न सकेन । ग्वार्डिओलाका सेना १०० प्वाइन्ट र १०६ गोलका साथ सिजनको विजेता भए ।
कुल ३८ खेलमा सिटीले दुईवटामा मात्र पराजय बेहो–यो – लिभरपूल र युनाइटेडविरुद्ध । उसले काराबाओ कप पनि जित्यो अनि च्याम्पियन्स लीगको क्वार्टरफाइनलमा ठाउँ बनायो ।
ग्वार्डिओलाले सन् २०१८–१९ को सिजनमा क्लबलाई बलियो बनाउँदै लीसेस्टर सिटीबाट रियाद माहारेजलाई ल्याए । अनि भिल्लाले सिटी नै उपाधि जोगाउन सफल हुने विश्वास राखेका छन् ।
‘मलाई लाग्छ, उनी फेरि उपाधि जित्न सक्छने किनकि उनी राम्रो प्रशिक्षक हुन्, उनीसँग राम्रो टीम छ र उनलाई व्यवस्थापनको पूर्ण सहयोग छ,’ भिल्लाले भने । भिल्लाले ग्वार्डिओलासँग बार्सिलोनामा काम गरिसकेका छन् ।
सिटीले पहिलो खेल आर्सनलसँग साउन २७ गते खेल्दैछ । त्यसको एक हप्तापछि उसको प्रतिस्पर्धा हडरस्फील्डसँग हुँदैछ ।
एजेन्सी
