‘सरकारी नियमअनुसार प्रहरी आफैंले सलामी दिएको हो,’ उनले भने, ‘मन्त्रीज्यूले त दिएको सलामी ग्रहण मात्रै गर्नुभएको हो ।’ थापाले मन्त्रीलाई दिइएको सलामी ठिक थियो या थिएन भनेर आफूहरूले प्रतिक्रिया दिन नमिल्ने बताए ।

शुक्रवार नुवाकोट गएका मन्त्री केसीलाई उनकै नुवाकोटस्थित निजी निवासमा सलामी दिइएको थियो । केसीको काठमाडौंको सामाखुशीमा समेत घर रहेको छ । नुवाकोटका प्रहरी प्रमुख एसपी देबबहादुर बोहोराले आफूहरूले संगठनको नियम अनुसार सलामी दिएको बताए । ‘हामीले नियम अनुसार सलामी दिएका हौं,’ उनले भने, ‘दिन हुन्छ या हुँदैन, हाम्रो हेडक्वार्टरमा कुरा गर्नुहोला ।’