३१ असार २०८३, बुधबार
काठमाडौं– बंगबन्धु गोल्डकपको पहिलो खेलमा नेपालले मंगलबार ताजकिस्तानसँग प्रतिस्पर्धा गर्दैछ । समूह चरणको पहिलो खेलमा नेपालले बलियो टोली ताजकिस्तान प्रतिद्वन्दीको पाएको हो ।
खेल सिलेटस्थित जिल्ला फुटबल संघको मैदानमा नेपाली समय अनुसार बेलुकी ६ः१५ बजे शुरु हुनेछ । नेपाली टिमका प्रशिक्षक बालगोपाल महर्जनले प्रतियोगितामा यसपटक तुलनात्मक रुपमा बलिया टिम रहेकाले समूह चरणको पहिलो खेलमा ताजकिस्तानविरुद्ध नेपाल अंक जोड्ने लक्ष्य सहित मैदान उत्रने बताए ।
यसअघि नेपालले ताजकिस्तानविरुद्ध गत वर्ष एएफसी एसियन कप छनोटमा प्रतिस्पर्धा गरेको थियो । दुवै खेलमा नेपाल पराजित भएको थियो ।
