काठमाडौं, १४ फागुन पार्टी सभापति शेरबहादुर देउवाको कार्यशैलीप्रति असन्तुष्टि जनाउँदै कांग्रेस वरिष्ठ नेता रामचन्द्र पौडेल पक्षले तत्काल केन्द्रिय कार्यसमितिको बैठक बोलाउन माग गरेको छ ।
पौडेल पक्षले देउवाले एकलौटी पार्टी सञ्चालन गरेको भन्दै पौडेल पक्षले आपत्ति जनाएको छ । पार्टी र सरकार सञ्चालन, संविधान संशोधन प्रस्ताववारे पार्टीको आधारिक धारणा माग गर्दै पौडेल पक्षले तत्काल पार्टी केन्द्रिय समितिको बैठक बोलाउन सभापति देउवासँग लिखित रुपमा माग गरेको हो ।
पार्टीको सदस्य समेत नरहेका व्यक्तिलाई राजदुत नियुक्तिका लागि सिफारिस गरेपछि पौडेल पक्ष सभापति देउवाप्रति झनै आक्रोशित भएको हो ।
शनिवार विहान महाराजगंजस्थित महामन्त्री डा. शंशाक कोइराला निवासमा भेला भएका पौडेल पक्षका नेताहरुले पार्टीको साख जोगाउन माग गर्दै सभापति देउवालाई केन्द्रिय समितिको बैठकमा बोलाउन लिखित रुपमा माग गर्ने निर्णय गरेको छ ।
पार्टीका सदस्य समेत नरहेका व्यक्तिहरुलाई राजदुत नियुक्ति गरेकोमा सिंगो पार्टी पंक्ति चिन्तित रहेको नेता डा. रामशरण महतले जानकारी दिए ।
