२१ असार २०८३, आइतबार
काठमाडौं– क्यान्सरबाट पीडित माइक्रोसफ्टका सह–संस्थापक पल एलनको ६५ वर्षको उमेरमा निधन भएको छ । एलनकी बहिनी जोडीले उनको निधनको पुष्टि गरेकी हुन् ।
एलनले बिल गेट्ससँग मिलेर माइक्रोसफ्ट स्थापना गरेका थिए । एलन र गेट्स विद्यालय कालदेखिका साथी हुन् । उनीहरुले मिलेर प्रविधि क्षेत्रको जाइन्ट बन्न सफल माइक्रोसफ्ट सन् १९७५ मा स्थापना गरेका थिए । गेट्सले भनेका छन्, ‘मेरो पुरानो तथा नजिकको साथीको निधनले म स्तब्ध भएको छु ।’
उनलाई नन–हड्किन्स लिम्फोमा नामक क्यान्सर थियो । उनले आफूलाई लागेको रोगका बारेमा दुई हप्ताअघि मात्रै सार्वजनिक रुपमा बताएका थिए । उनलाई दोस्रोपटक यो रोग लागेको हो ।
