खेमराज गैराघरे

भ्रष्टलाई फूलमाला र जोर घडा छ देशमा ।
अझै पनि गुण्डाहरूकै, अखडा छ देशमा ।।

जवानहरू खाडीमा छन्, उन्यु फुल्छ खेतमा ।
साँझ बिहान छाक् टार्नलाई बगडा छ देशमा ।

भोट हाल्दै सकिने भो हाम्रा बाको जीवन ।
राजनीतिमा अझै पनि लफडा छ देशमा ।

भेटिएनन् अझै पनि हराएका छोराहरू ।
जङ्गलमा भेटिएको कपडा छ देशमा ।

न्याय माग्दा मरे उनी, दाहसंस्कार भाको छैन ।
जन्म कैद भए पनि उकडा छ देशमा ।।
 

इलाम (हाल अमेरिका)