०३ असार २०८३, बुधबार
काठमाडौं– विवादका कारण पारित हुन नसकेको काँग्रेसको विधान संशोधन मस्यौदा पारित भएको छ ।
शुक्रबार बसेको कांग्रेस केन्द्रीय कार्यसमितिको बैठकले महामन्त्री एवं विधान संशोधन मस्यौदा समितिका संयोजक पूर्णबहादुर खड्काले पेश गरेको विधानको संशोधित मस्यौदा सर्वसम्मतिले पारित गरेको हो ।
पारित मस्यौदा खड्काले भोलि महासमितिको बैठकमा पेश गर्न सक्नेछन् ।
विधानमा सहमति नजुट्दा महासमिति बैठक प्रभावित हुँदै आएको थियो ।
सहमतिअनुसार अब सहमहामन्त्री ८ जना हुने भएका छन् । यससँगै पदाधिकारीको संख्या १४ हुनेछ, जसमा कोषाध्यक्ष मात्र मनोनित र बाँकी सबै निर्वाचित हुनेछन् ।
प्रवक्ता विश्वप्रकाश शर्माका अनुसार केन्द्रीय कार्यसमितिको आकार पनि बढेको छ । अब केन्द्रीय समिति पनि १७१ सदस्यीय हुनेछ ।
