पोखरा– सर्वोच्च अदालतको पछिल्लो आदेशपछि कारागारबाट रिहा भएका ‘गुन्डा नाइके’ दीपक मनाङे भनिने राजीब गुरुङले गण्डकी प्रदेशसभा सदस्य (सांसद)को सपथ ग्रहण गर्न पाउँ भन्दै निवेदन दिएका छन् । 

मनाङ जिल्लाको प्रदेशसभा निर्वाचन क्षेत्र (ख) बाट प्रदेशसभा सदस्यमा विजयी मनाङेले सपथ ग्रहण गर्न पाएका थिएनन् । यसबीचमा उनीविरुद्धको एक मुद्दाका सिलसिलामा उनी कारागार चलान भए । 

सर्वोच्चको आदेशपछि कारागारबाट रिहा भएका उनले बिहीवार गन्डकी प्रदेशसभा सचिवालयमा निवेदन दर्ता गराएर सांसद पदको सपथ ग्रहण गराउन माग गरेका छन् । 

गन्डकी प्रदेशसभा सचिवालयले मनाङेको निवेदन १८६ नम्बरमा दर्ता गरेको छ ।