लोकान्तर संवाददाता
काठमाडौं, २६ फागुन –जाजरकोटमा आज साँझ भएको यात्रुबाहक दुर्घटनामा मृत्यु हुनेको संख्या २४ पुगेको छ । जाजरकोटका स्थानीय विकास अधिकारी रुद्र पण्डितका अनुसार दुर्घटनामा परी ४५ जना घाइते भएका छन् ।

दुर्घटनामा परी मृत्यु हुनेमध्ये १८ जनाको सनाखत भइसकेको उनले बताए । उनका अनुसार अहिले उद्दार कार्य सकिएको छ ।

दुर्घटनामा परी घाइतेहरूको जाजरकोट अस्पतालमा उपचार भइरहेको उनले बताए ।