काठमाडौं– चिकित्सा शिक्षा विधेयक पारित गर्ने कार्यसूची रहेको प्रतिनिधि सभाको आजको बैठक पनि कांग्रेसले अवरुद्ध पारेको छ ।

बैठकको शुरूमा सचेतक पुष्पा भुसालले मन्तव्य राखेपछि कांग्रेस सांसदहरू दगुर्दै वेलमा पुगेका छन् । उनीहरूले नाराबाजी समेत गरिरहेका छन्। 

सभामुख कृष्णबहादुर महराले आफूले कांग्रेसको मागका सम्बन्धमा यसअघि नै रुलिङ गरिसकेको भन्दै आ-आफ्नो स्थानमा बस्न आग्रह गरिरहेका छन् ।

गत मंगलवार पनि सभामुखले शिक्षा मन्त्रीलाई प्रस्ताव पेश गर्न समय दिएपनि कांग्रेस सांसदहरूले मन्त्रीलाई घेरेका कारण बैठक स्थगित भएको थियो ।

संसद्को बैठकअघि सभामुख महराले सरकारसहित सत्ता र प्रतिपक्षका प्रतिनिधिहरूसँग छलफल गरेका थिए ।