१६ असार २०८३, मंगलबार
काठमाडौं- यूएईविरुद्धको एक दिवसीय श्रृंखला अन्तर्गत दोस्रो खेलमा नेपालले मध्यम शुरूवात गरेको छ ।
निकै लामो समयदेखि ओपनिङ साझेदारीमा देखिएको खडेरी केही हदसम्म टरेको देखिन्छ ।
नेपालको तर्फबाट पारीको शुरूवात गरेका उपकप्तान ज्ञानेन्द्र मल्ल र विनोद भण्डारीले ६१ रनको साझेदारी गरेका छन् ।
१६औं ओभरको तेस्रो बलमा विनोद भण्डारी २१ रन जोडेर आउट भएका छन् ।
यो समाचार तयार पार्दासम्म १६ ओभरमा नेपालले १ विकेटको क्षतिमा ६४ रन जोडेको छ ।
३ एक दिवसीय र ३ टी-ट्वान्टी खेलको सिरिज खेल्न नेपाल दुबई पुगेको हो ।
यसअघि भएको पहिलो एक दिवसीयमा नेपाल ३ विकेटले पराजित भएको थियो ।
