१९ असार २०८३, शुक्रबार
काठमाडौं - संयुक्त अरब इमिरेट्स (यूएई) विरुद्धको तेस्रो तथा निर्णायक एक दिवसीय खेलमा नेपालले शानदार शुरूवात गरेको ।
टस जितेर पहिले फिल्डिङ गरेको नेपालको धारिलो बलिङसामु यूएईका ब्याट्सम्यानले रन बनाउन सकिरहेका छैनन् ।
यो समाचार तयार पार्दासम्म यूएईले १० ओभरमा २ विकेट गुमाएर १४ रन जोडेको छ ।
नेपालका लागि सोमपाल कामी र करण केसीले १-१ विकेट लिएका छन् ।
यूएईका प्रारम्भिक ब्याट्सम्यानद्वय अस्फाक अहमद र चिराग सुरी रनको खाता नै नखोली आउट भएका हुन् ।
तीन एक दिवसीय खेलको सिरिजमा यसअघि दुवै टोलीले १-१ खेल जितेका छन् ।
पहिलो खेल यूएईले ३ विकेट तथा दोस्रो खेल नेपालले १४५ रनले जितेका थिए ।
यसपछि दुवै टोलीबीच ३ टी-ट्वान्टी खेलको श्रृंखला हुनेछ ।
