१० साउन २०८३, आइतबार
काठमाडौं- पछिल्लो दिनमा साधारण शेयर बिक्री गर्ने होडबाजी चलिरहेको बेला गुराँस लघुवित्तले सोमवारदेखि साधारण शेयर बिक्री शुरू गरेको छ । कम्पनीले दुई लाख ३३ हजार ६२५ कित्ता शेयर बिक्री शुरू गरेको हो ।
बिक्री गर्न लागिएको दुई लाख ५० हजार कित्ता शेयरमध्ये तीन हजार ८७५ कित्ता कम्पनीका कर्मचारीका लागि छुट्याइएको छ भने १२ हजार ५०० कित्ता सामूहिक लगानी कोषको लागि छुट्याइएको छ ।
कर्मचारी र सामूहिक लगानी कोषलाई छुट्याएर बाँकी रहेको रहेको दुई लाख ३३ हजार ६२५ कित्ता शेयर सर्वसाधारणको लागि बिक्री गर्न लागिएको हो । सो कम्पनीको साधारण शेयरमा न्यूनतम १० कित्तादेखि अधिकतम ५०० कित्तासम्म आवेदन दिन सकिने व्यवस्था गरिएको छ । कम्पनीको शेयर छिटोमा यही वैशाख २० गते र ढिलोमा आगामी जेठ १४ गतेसम्म आवेदन गर्न सकिनेछ ।
