२९ असार २०८३, सोमबार
वैदेशिक रोजगारीको सपनामा अफ्रिकी देश पुर्याएर बेचिएका १६ नेपाली युवतीको उद्धार गरिएको छ । केन्याबाट १२ र मलावीमा ४ युवतीको उद्दार गरिएको हो ।
उनीहरुलाई नेपाल फर्काउने र मानव तस्करीमा संलग्न समूहमाथि अनुसन्धान गर्ने तयारीमा प्रहरी लागेको छ ।
उद्धार गरिएका युवती हाल सेफ हाउसमा रहेको र इन्टरपोलको सहयोगमा नेपाल ल्याउने पहल अघि बढाइएको नेपाल प्रहरीको इन्टरपोल शाखाका प्रमुख एसएसपी उमेशराज जोशीले बताए ।
हालै स्थापना भएको मानव बेचबिखन ब्यूरोले यो घटनामा अनुसन्धान अघि बढाएको खबर नयाँ पत्रिका दैनिकमा छापिएको छ ।
