जनकपुर– वैशाख २३ गते अपरान्ह अढाई वर्षका बालक समीर (आर्यन) साह आँगनमा खेलिरहेका थिए । आमा रेणुदेवी नजिकैको बारीमा घाँस काट्दै थिइन् । 
छिमेकका सत्रुघ्न महतो नजिकैको इनारबाट पानी तानिरहेका थिए, जसलाई आर्यन ‘बाबा’ भनेर सम्बोधन गर्थे । 
बालक एक्लै खेलिरहेको बेला महतोले देखे । त्यसपछि आएर उनलाई आफ्नो घरमा लगेर अनि भैंसीको दूध दूहेर आर्यनलाई खुवाएर सुताए । 
परिवारले आर्यनलाई खोज्न थालेपछि उनी आर्यनलाई बोकेर नजिकैको झाडीमा लुके । साम्य भएपछि घर फर्किएका उनले त्यसको भोलिपल्ट पूजापाठसहित आर्यनको घाँटी रेटेको खबर कान्तिपुर दैनिकमा छापिएको छ । 
पत्रिका लेख्छ–२५ दिन लामो अनुसन्धानपछि प्रहरीले आर्यन हत्याको यो डरलाग्दो तथ्य सार्वजनिक गरेको हो ।