काठमाडौं । गतवर्षको तुलनामा यो वर्ष कोरिया भाषा परीक्षा दिने परीक्षार्थीको संख्या १० हजार भन्दा बढीले वृद्धि भएको छ । गत वर्ष ८२ हजार बढीले परीक्षा दिएकोमा यो वर्ष ९२ हजारभन्दा बढी परीक्षामा सहभागी हुँदैछन् । कोरिया भाषा परीक्षा शनिबार र आइतबार हुँदैछ ।  ईपीएस कोरिया शाखाको तथ्यांकअनुसार गत वर्ष कोरिया भाषाको परीक्षा दिने विद्यार्थीको संख्या ८२ हजार ३ सय ३५ रहेको थियो । यस वर्ष बढेर ९२ हजार ३ सय ७६ पुगेको छ । जसमा पुरुष परीक्षार्थीको संख्या ७७ हजार ३ सय ६१ र महिलाको संख्या १४ हजार ९ सय ९५ रहेको छ । राजधानी दैनिकमा खबर छ ।