पोखरामा बस दुर्घटना, ३० जना घाइते
सन्दर्भ तस्वीरपोखरा- पोखरा महानगरपालिका–३१ बेगनासको त्रिशूली डाँडामा शुक्रवार बस दुर्घटना भएको छ ।
बेगनासबाट पोखरा आउँदै गरेको ग१ख ४७७१ नंको बस सडकबाट झण्डै ६० फिट तल खसेको हो ।
इलाका प्रहरी कार्यालय शिशुवाका प्रमुख मोहन खाँणका अनुसार दुर्घटनाबाट बसमा सवार करीब ३० जना यात्रु घाइते भएका छन् ।
घाइतेलाई पोखराका विभिन्न अस्पतालमा उपचारका लागि लगिसकिएको छ ।
दुर्घटनाबारे थप अनुसन्धान भइरहेको प्रहरीले जनाएको छ ।
