हुम्लामा स्याउ जोन कार्यक्रम शुरू हुँदै

हुम्लाको सिमकोट गाउँपालिकालाई स्याउको पकेट क्षेत्रका रुपमा विकास गर्न लागिएको छ ।

प्रधानमन्त्री कृषि आधुनिकीरण परियोजना अन्तर्गत सरकारले योजना ल्याएको हो ।


Advertisement

सिमकोटका किसानलाई लक्षित गरी ल्याइएको ‘स्याउ जोन कार्यक्रम’ ६ वर्षसम्म सञ्चालन हुने कृषि तथा पशुपक्षी विकास मन्त्रालयले जनाएको छ ।  उक्त परियोजनामा ७० प्रतिशत संघीय सरकारको र ३० प्रतिशत स्थानीयवासीको लगानी हुने परियोजना कार्यन्वयन इकाई हुम्लाका प्रमुख राम सुरत पालले जानकारी दिए ।

जिल्लाको सिमकोट गाउँपालिका–३, ४ को ५ सय हेक्टर क्षेत्रफलमा सो परियोजना कार्यान्वन हुने जनाएको छ । ‘समुद्री सहतबाट २ हजार १ सयदेखि ३ हजार मिटर उचाइसम्मको भू-भागमा स्याउ उत्पादन गर्न सकिने छ,’ इकाई प्रमुख पालले भने, ‘स्याउ खेती विस्तारका लागि जिल्लाका ७ वटा गाउँपालिकासँग समन्वय भइरहेको छ ।’ 


Advertisement

जिल्लाका विभिन्न क्षेत्रमा उन्नत जातको बीउ, नयाँ पद्दति तथा प्रविधि अपनाएर सुहाउँदो अनुकूल परिस्थिति हेरेर स्याउखेती गरिने उनले बताए ।

स्याउ जोन कार्यक्रमका लागि ठाउँ छनोट गरेर माटो परीक्षण गरी स्याउखेती शुरू गरिने उनले बताए । अबको २–३ वर्षमा सिमकोट गाउँपालिका–३ र ४ मा स्याउ उत्पादन गर्ने गरी कार्यक्रम कार्यान्वयन गरिने पनि उनले बताए ।
स्याउ जोन कार्यक्रम लागू भएपछि किसानको आम्दानीको स्रोत बढ्ने अपेक्षा गरिएको छ । 

हुम्लामा केही किसानले व्यावसायिक रुपमा स्याउ उत्पादन गर्दै आएको भएपनि बजार र ढुवानीको समस्याले बारीमा फलेका स्याउलाई बजारसम्म पुर्‍याउन नसक्दा यसको खेतीतर्फ किसानको निरासा बढ्दै गएको स्याउ उत्पादक किसान गोविन्द लामाको भनाइ छ । 

कृषि क्षेत्रको उत्पादन र उत्पादकत्वमा वृद्धि, कृषि सामग्री र प्रविधिको प्रयोग, कृषिमा यान्त्रिकीरण, कृषि उपजको स्याहार, प्रशोधन, गुणस्तर नियन्त्रण, बजार व्यवस्थापन तथा प्राविधिक शिक्षा समेतको संयोजन गर्दै समग्र कृषि क्षेत्रको आधुनिकीकरण गर्न प्रधानमन्त्री कृषि आधुनिकीरण परियोजना शुरू गेरको हो ।

कमेन्ट गर्नुहोस्