११ साउन २०८३, सोमबार
काठमाडौं- १३ औं संस्करणको दक्षिण एसियाली खेलकुद (साग) अन्तर्गतको महिला भलिबलमा नेपाली टोली भारतसामु निरीह देखिएको छ ।
बिहीवार दशरथ रंगशालाको कभर्ड हलमा भएको खेलमा नेपाली महिला भलिबल टोली भारतसँग सोझो सेटमा पराजित भएको हो ।
पहिलो सेटमा टक्कर दिएपनि नेपाली टोलीले हार जोगाउन सकेन । पहिलो सेट २६-२४ मा सकिएको थियो ।
त्यस्तै दोस्रो सेटमा नेपाल फराकिलो अन्तरले पराजित भयो । दोस्रो सेटमा नेपाल २५-१२ ले पराजित भयो ।
तेस्रो सेट नेपालले २५-१६ ले गुमायो ।
बुधवार भएको पहिलो खेलमा नेपाली टोलीले बंगलादेशलाई सोझो सेटमा पराजित गरेको थियो ।
