३१ असार २०८३, बुधबार
‘ब्ल्याक पिंक डान्स फेस्टिभलका उत्कृष्ट १० प्रतिस्पर्धी समूह छनौट गरिएको छ ।
प्रतियोगिताका लागि इच्छुक करीब २०० प्रतिस्पर्धीलाई उछिन्दै अन्तिम प्रतिस्पर्धाका लागि १० प्रतियोगी समूह छनौट भएका हुन् ।
प्रतिस्पर्धाका लागि निर्धारित ३ जनाको उजुरी समूहले प्राप्त भिडियोहरू मध्येबाट उत्कृष्ट १० प्रतियोगीको समूहलाई छनोट गरेको हो ।
मंगलवार छनोट गरिएका ती प्रतियोगी टीममा क्रमशः एच२बी (हर्ट टु बीट), सेलेस्टियल, ड्रीमिङ इन केपीओपी, क्रिडो–इन क्रु, दीपिका तामाङ, समिर खत्री, स्काई लिटिल वीङ, टी–ज्ञान्स्, ३एपीएम र लेगम छन् ।
डिसेम्बरको २८ तारिखमा काठमाडौंको सिल्भर ओके ब्यांकुइट एन्ड इभेन्ट सेन्टर, गैरीधारामा हुन लागेको कोरियन म्युजिक डान्समा सहभागिता जनाउनका लागि सहभागिता जनाउन चाहने व्यक्ति वा समूहले कुनै पनि के पप सङमा १ मिनेटको नाच रेकर्ड गरी सामसङ नेपालको आधिकारिक वेबसाइटमा भिडियो उपलब्ध गराउनुपर्ने प्रावधान तय गरिएको थियो ।
यसका लागि कम्पनीले डिसेम्बर महिनाको २० तारिखसम्मको समय उपलब्ध गराएको थियो । त्यस अवधिसम्ममा आफ्नो के पप म्युजिकको डान्स भिडियो कम्पनीको इमेल [email protected] मा सब्मिट गर्नेमध्येबाट यी प्रतिस्पर्धी छनौट भएका हुन् ।
छनौटमा परेका १० प्रतिस्पर्धीले सामसङ नेपालका तर्फबाट ५/५ हजारभन्दा बढीको गिस्ट ह्याम्पर प्राप्त गर्ने छन् भने प्रतिस्पर्धाको दोस्रो चरण अर्थात २८ डिसेम्वरमा आयोजना हुने फाइनल राउण्डमा ४ सय भन्दा बढी दर्शककावीच कोरियन संस्कृतिले भरिपूर्ण डान्स गर्ने अवसर प्राप्त गर्ने छन् । त्यसक्रममा कोरियन संस्कृति झल्काउने किसिमले सहभागी दर्शकले समेत विभिन्न खालका ग्रिफ्ट समेत प्राप्त गर्ने छन् ।
कोरियाको संस्कृति झल्काउने सांगितक कार्यक्रम के पप ‘ब्ल्याक पिंक डान्स फेस्टिवल’ मा सहभागिता जनाउन प्रतिष्पर्धाकालागि बिशेष किसिमको कुनै नियम वा उमेर समूह तोकिएको थिएन । यसका कोरियन संस्कृतिमा रम्न र रमाउन चाहनेहरुले स्फूर्तरुपमा आ आफ्नो समूह वनाई आवद्ध भएका हुन् । सहभागीहरुलाई सामसङ नेपालको अफिसियल फेसवुक पेज मार्फत करिव २ हप्ताको अवधिसहित जानकारी गराइएको थियो ।
फाइनलमापुगेका १० टिम मध्ये टप थ्रि मा पर्ने टिमलाई सामसङ नेपलकातर्फवाट बिशेष पुरस्कार प्राप्त गर्ने छन् । जसमा प्रथम हुने टिमलाई चार सेट सामसङ ए८० फोन, दितिय हुनेलाई सामसङ ए५०एस र तृतीय हुनेलाई सामसङ ए३०एस फोन सेट उपलब्ध हुनेछ ।
के पप विदेशी बजारमा निकै प्रचलित कोरियाको संस्कृति झल्काउने सांगीतिक कार्यक्रम हो । नेपाली बजारमा रहेका गीत/संगीतका प्रेमीलाई पनि त्यो अवसरमा सहभागिता जनाउने, आफ्नो कला देखाउने र यस्ता गीत/संगीतप्रति इमोसनल्ली एट्याच हुने अवसर सिर्जना गर्ने उद्देश्यले सामसङले यसै वर्षदेखि नेपालमा अभियानको शुरूआत गरेको हो । नेपालमा कोरियन गीत विगतदेखि नै निकै पपुलर पनि छन् ।
ब्ल्याक पिंक कभर डान्स कन्टेस्ट नामको यो सांगीतिक कार्यक्रम के–पपको ग्रान्ड इभेन्ट अर्थात् फिनालीमा सहभागिता जनाउन कुनै शुल्क लाग्दैन । यसका सहभागिता जनाउन दर्शकले इन्ट्री पास मात्र लिए पुग्दछ ।
के पप कोरियाली पप अर्थात दक्षिण कोरियामा शुरू भएको लोकप्रिय संगीतको विधाहो । यो विधा सन् १९९० पछि शुरू भएको पाइन्छ । हाल कोरियमा मात्र नभई विश्वका धेरै मुलुकमा के पप प्रसिद्ध छ । के पपको आधुनिक रुप सन् १९९२ पछि भएको मानिन्छ । जसले पूर्वी एसिया र दक्षिण पूर्व मात्र नभई पाकिस्तान, बंगलादेश, भारत, ल्याटिन अमेरिका, उत्तर अफ्रिका, दक्षिण अफ्रिका, मध्यपूर्व र पश्चिम विश्वभर व्यापक दर्शकहरु प्राप्त गर्न सकेको छ ।
नेपालमा रहेका कोरियन संस्कृति र संगीत पारखीका लागि यो एउटा खुशीको खबर अवसर पनि हो । आफूलाई के पपको सांगीतिक आकर्षणमा उभ्याइसकेका र त्यसको प्रयासमा रहेका युवायुवतीका लागि सामसङले ल्याएको ‘ब्ल्याकपिंकडान्स फेस्टिभल’ले त्यो अवसर जुटाइदिएको छ ।
दक्षिण कोरियामा शुरु भएको लोकप्रिय संगितविधा के–पप (कोरियालीपप) ले नेपालमा समेत बजार ओगटि सकेको छ । यस्तो अवस्थामा ‘ब्ल्याकपिंक डान्स फेस्टिवल’ नेपालमा ल्याइनुले कोरियन संस्कृतिवाट भरिपूर्ण डान्स प्रति आकर्षण भएका युवा युवतिका लागि यो अवसर जुटाएको छ ।
ब्ल्याक पिंक डान्स फेस्टिवल’ ले कोरियाली गित/संगित प्रेमीकालागि एउटा नविनतम प्लेटफर्म (अवसर) समेत सृजना गरिदिएको मात्र होइन सामसङको ए८० सिरिजकाचार–चार वटा फोन एकैपटक जिल्न सक्ने अवसर मात्र ल्याएको छैन यसका सहभागि १० टिमले ५/५ हजार रुपैयाँभन्दा बढीका गिफ्ट ह्याम्पर समेत प्राप्त गरेका छन् ।
