अमेरिकाले गरेको हवाई आक्रमणमा शुक्रवार बिहान मारिएका इरानी जनरल कासिम सुलेमानीको कफिन देखेपछि इरानका सर्वोच्च नेता आयातोल्लाह अली खमेनी रोएका छन् । 

सुलेमानीको भौतिक अवशेषका अगाडि खमेनीले आँसु चुहाएका हुन् । उनको सम्मानमा हजारौं इरानीहरू तेहरानमा भेला भएका हुन् ।

रोइरहेको भीडलाई सम्बोधन गर्दै सुलेमानीकी छोरी जेनाबले पश्चिम एसियामा अमेरिकी बलहरूका विरुद्ध आक्रमणको चेतावनी दिइन् । 

सुलेमानीलाई शुक्रवार बिहान बग्दाद विमानस्थल नजिक अमेरिकी ड्रोन आक्रमणमा मारिएको थियो । यसले इस्लामिक गणतन्त्र इरानलाई स्तब्ध तुल्याएको छ र पश्चिम एसियामा तनाव चर्काएको छ ।

सुलेमानीका भौतिक अवशेष इरानमा शनिवार राति ल्याइएको थियो । 

इरानले सुलेमानीको हत्याको कठोर प्रतिशोध लिने बताएको छ र सन् २०१५ मा गरिएको आणविक सम्झौताले तोकेको सीमालाई अवज्ञा गर्दै आणविक हतियार निर्माण शुरू गरेको छ ।

एजेन्सी