सरकारी कर्मचारीले छोराछोरीलाई सरकारी स्कूलमा पढाउनुपर्छ : मुख्यमन्त्री भट्ट

सुदूरपश्चिम प्रदेशका मुख्यमन्त्री त्रिलोचन भट्टले नेपाल सरकारका कर्मचारीले आफ्ना छोराछोरी अनिर्वायरुपमा सरकारी विद्यालयमा भर्ना गरी पढाउनुपर्ने बताएका छन् ।

सुदूरपश्चिम प्रदेश सरकारले दिपायल सिलगढी नगरपालिका–४ बागनेटीमा निर्माण गर्न लागेको निजामती कर्मचारी विद्यालयको शनिवार शिलान्यास गर्दै उनले सरकारी जागिर खाएका कर्मचारीले आफ्ना छोराछोरी निजी बोर्डिङमा पढाउने परिपाटी चलेको बताए ।


Advertisement

उनले सुदूरपश्चिम भरीमा निजी स्कुलमा छोराछोरी पढाउने उच्च तहका कर्मचारीको तथ्यांक संकलनको तयारी समेत भइरहेको जानकारी गराए । मुख्यमन्त्री भट्टले छाउपडी प्रथाको अन्त्य गर्न जरुरी भएको र सो प्रथा हटाउन सबैले लाग्नुपर्नेमा जोड दिए ।

‘छाउ बार्ने र बार्न लगाउनेलाई सामुहिक बहिष्कार गर्नुपर्छ, कु–सस्कार मान्नेलाई सामूहिक बहिस्कार गरौं,’ उनले भने ।


Advertisement

उनले प्रदेश सरकारले जनताका आवश्यकता सम्बोधन हुने गरी काम गरिरहेको दाबीसमेत गरे । संघीयताले विकासको ढोका खोलेकोले प्रदेश सरकारबाट सञ्चालन भइरहेका योजना तथा विकासका बारेमा सबै सचेत नागरिकले अनुगमन गर्नुपर्ने बताए । २ तले ६ कोठाको निर्माण हुन लागेको निजामती स्कूलको लागत रकम २ करोड ३९ लाख ३३९.९० रुपैयाँ रहेको र निर्माणको समयावधि आगामी २०७८ पुस मसान्तसम्म सम्पन्न गरिसक्ने सम्झौता भएको निर्माणको जिम्मा पाएका केठेदार नरेश शाहले बताए ।

स्कूलका लागि १०० रोपनी जमिन खरिद गरिएको र ७५ देखि ८० करोड रुपैयाँको लगानीमा क्रमिकरुपमा आगामी वर्षमा पनि नयाँ स्कूल भवन, आवास गृह, खेलकुद मैदान र स्वीमिङ पुललगायका संरचना निर्माण गरिने योजना रहेको मुख्यमन्त्रीका स्वकीय सचिव शिवसिंह ओलीले जानकारी दिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्