२२ असार २०८३, सोमबार
ठगीको आरोप लागेका ठेकेदार मनोज भेटवालले प्रहरीसमक्ष आत्मसमर्पण गरेका छन् ।
आज (मंगलवार) बिहान महानगरीय प्रहरी परिसर काठमाडौंमा उनले आत्मसर्मण गरेको परिसरका प्रमुख वरिष्ठ प्रहरी उपरीक्षक (एसएसपी) उत्तमराज सुवेदीले बताए ।
जलेश्वर स्वच्छन्द बिकोई बिल्डर्स प्रा.लि. सञ्चालन गर्दै आएका मनोज ठगीको आरोपमा केही महिनादेखि प्रहरीको फरार सूचीमा थिए ।
प्रहरीकाअनुसार उनीविरुद्ध बैंकिङ कसूरअन्तर्गत चेक बाउन्सको उजुरी छ ।
भेटवालविरुद्ध गत साउनमा राजस्व अनुसन्धान विभागले हुण्डी कारोवारको अभियोगमा काठमाडौं जिल्ला अदालतमा मुद्दा समेत दायर गरेको थियो ।
उनीसहित अन्य चार जनाविरुद्ध ४ करोड ६० लाख ४२ हजार रुपैयाँ अवैध कारोवारको मुद्दा काठमाडौं जिल्ला अदालतमा विचाराधीन छ ।
काठमाडौंको पूरानो बसपार्कमा निमार्णाधीन भ्यू टावरका मुख्य ठेकेदार भेटवाल भागेर भारतमा बस्दै आएका थिए ।
