२२ असार २०८३, सोमबार
विश्वभरका युवा पुस्तामाझ लोकप्रिय कोरियन गीत तथा सिरिज नेपाली युवा पुस्तामाझ पनि निकै लोकप्रिय रहिआएको छ ।
नेपाली युवाको मनोरञ्जनलाई ध्यानमा राखेर डिशहोमले केवर्ल्ड च्यानल शुरू गर्दैछ ।
के–पप, माइ लिटिल बेबी, रिचमान, किङ इन द लभ, मेल्टिङ हर्ट जस्ता चर्चित कोरियन गीत तथा सिरिज डिशहोमको च्यानल नम्बर ११३ मा प्रशारण हुनेछन् ।
च्यानल प्लस प्याकेज, प्रिमियम एचडी र लाईफ स्टाइल एचडी प्याकेजमा डिशहोमका ग्राहकको लागि उपलब्ध गराइएको छ । डिशहोम गो एपमा पनि यो च्यानल हेर्न सकिने छ ।
नेपाली टेलिभिजनको दर्शकमाझ विभिन्न आफ्नै एक्सक्लुसिभ च्यानल सञ्चालन गरिरहेको डिशहोमले सञ्चालन गरेको यो च्यानलले नेपाली दर्शकलाई फरक मनोरञ्जन प्रदान गर्ने विश्वास कम्पनीले लिएको छ ।
