विश्वम कोरोना भाइरसबाट संक्रमित हुनेको संख्या एक करोड पुगेको छ। 

जोन्स हप्किन्स विश्वविद्यालयको पछिल्लो तथ्यांक अनुसार विश्वभर कोरोना संक्रमणबाट ४ लाख ९८ हजार ८ सय ९५ जनाको मृत्यु भएको छ। करिब ५० लाख संक्रमित व्यक्ति निको भएर अस्पतालहरुबाट डिस्चार्ज भएका छन् । 

चीनको उहानबाट उत्पत्ति भएको भनिएको यस भाइरसबाट संयुक्तराज्य अमेरिका सबैभन्दा नराम्रोसँग प्रभावित भएको छ । विश्वविद्यालयका अनुसार अमेरिकामा १ लाख २५ हजार ५ सय ३९ जनाको मृत्यु भइसकेको छ् । 

विश्वमै सबैभन्दा बढी व्यक्ति संक्रमित देखिएको अमेरिकामा हालसम्म २५ लाख १० हजारभन्दा बढी मानिस प्रभावित छन्। दोस्रो बढी संक्रमित भेटिएको मुलुक ब्राजिल छ। यहाँ हालसम्म १३ लाख १४ हजार व्यक्ति संक्रमित भएका र करिब ५७ हजारको मृत्यु भएको छ।