नेपालमा सलहको झुण्ड पुनः प्रवेश गरेको छ । दाङको राप्ती गाउँपालिकामा सलहको झुण्ड देखिएको गाउँपालिकाकी उपाध्यक्ष जगदम्वा चौधरीले पुष्टि गरेकी हुन् । 

आइतवार दिउँसो सलहको ठूलो हुल  गाउँपालिका प्रवेश गरेको उनले लोकान्तरसँग बताइन् ।

‘लालमटिया लगायत गाउँपालिकाको वार्ड नम्बर १, २ र ३ मा ठूलो संख्यामा सलह भित्रिएको छ, सर्वसाधारणहरू थाल ठटाएर सलहलाई भगाइरहेका छन्,’ चौधरीले लोकान्तरसँग भनिन् । 

कृषि मन्त्रालय अन्तर्गतको सलह सूचना केन्द्रले आइतवार नेपालमा सलहको हुल भित्रने अनुमान गरेको थियो । २ साता अघि पनि सलहका साना हुल नेपाल भित्रिएर खेतीबालीमा क्षती पुर्‍याएका थिए ।